18.An H. Petrum Crugerum Mathematicum

Nembt wider von mir hin was ihr mir nechst vertrawet;

Ihr wohnhaus trewer gunst ihr richt schnur aller zeit.

Der ihr der Sonnen selbst auch eine Sonne seidt

Dis was man hier vnd dar auff manchem Grabe schawet

Doch ewre weisheit der für keinem sterben grawet

Vnd ehre die der ruhm verknüpft der ewikeit:

Vnd tugend die vmb sonst der blasse todt bestreit.

Vndt hohe freundlichkeit findt heir kein grab gewabet.

Ihn wird kein stein gesetzt weil vber sie das radt

Der parcen vnd der todt nichts zu gebieten hatt

Weil dis was himlisch ist nicht mag verscharret werden.

Doch vntersteh ich mich sie in des Lethe kluft

Zu stossen so verdeck in dem sich noch die lust

Durch hertz vnd glider rührt mein lebend fleisch die erden.