27.Auff den Tag der Geburt Mariæ. Matth. I. Esaiæ. II.
Written 1640-01-01 - 1640-01-01
Du Jessen grosser Sta i gleich ob er gantz erstorben
Schier ohne Zweige stund wuchs eine Rutten vor
Vnd trug die hohe Frucht das Heil der Welt empor
Die alles lebend macht was in den Tod vertorben
Auff dieser ruht der Geist der ewig Gott gewesen.
Der dreymal weise Geist: der einig diß versteht
Was niemand lernen kan der Felß vnd Berg' erhöht
Vnd Meer vnd Welt angab durch den was schwach genesen
Durch dehn wird Davids Kind nicht nach dem ansehn richten.
Nicht nach deß Pövels Wort er wird der Armen Recht
Der müden Tröster seyn er wird was krum' ist schlecht
Was dunckel offenbar was langsam eilends schlichten
Er ist den Rosen gleich sein Scepter stärckt vnd bricht
Gleich wie ein Rosen-Zweig wol reucht vnd hefftig sticht.