34. Förchte Gott:

Der alles sieht was hie die menschen treiben

Der alles hört was menschen-zunge spricht

Der was ein mensch gedencket weiss vnd richtt

Vor deme nichts kan vnentdecket bleiben

Der alles läst in sein gedenck-buch schreiben

Der wenn er wil der menschen hertze bricht

Der schrecklich straft die jenen die sich nicht

Mit gottesforcht bey zeit' jhm einverleiben.

Den förcht' o mensch' vnd lass dich nicht verblenden

Des Satans donst hör' jhn nicht wenn er spricht:

Thu was du wilt der herre siht es nicht.

Solt' er nicht sehn der doch an allen enden

Sich spüren läst vnd selber ist das liecht.

Drümb förchte Gott wie du ihm bist verpflichtt.