41

Come chi sente un pezzo una campana

Che sbùsena dopo le recchie un'hora,

Se mi vago in bordel cusì tall'hora,

Ho tutto el dì in la vista una puttana.

E trovo che talmente la m'inganna,

Che se vuoi studiar co zonze l'hora,

Avro el libro e, meschin, me par d'ogn'hora

Ch'habbia in te i occhi, o l'occa o la puttana.

E stago col pensier sì fisso in questo,

Che pi che vardo con sta fantasia

Figuro la puttana pi che 'l testo.

Grama mia mente, ti xe pur spedìa,

No voleva altro el mio cervel per resto

Che far puttana la Filosofia.