7.Auff den Sontag deß Felsens deß Aufstehens vnd der Aergernüß/ oder nach der Ge...

O Wunder! Gott ist Mensch die Mutter hat gebohren

Die Jungfraw war vnd blieb der aller Kräffte bind't

Durch seiner Worte Krafft lig't als ein schwaches Kind

Gewindelt in ein Band vnd hat doch nicht verlohren

Was Groß vnd Göttlich heist. Der Held vorlängst verschwohrẽ

Dem den der Starcke Zwang kom't an vnd tilg't die Sünd

Er bauet was zustört vnd was er dürfftig find't

Das hat Er zum dem Sitz der Herrligkeit erkohren.

Wol dem so bey ihm hält ob schon das blosse Schwerdt

Scharff durch das zarte Fleisch vnd liebe Seele fährt

Er ist der Felß an dem ein ieder auff-mag-stehen.

Weh weh vnd ewig weh dem der ihm wiederspricht!

Diß ist der Felß an dem er Haupt vnd Hertz zu bricht

Wer an den Stein anstößt muß schändlich vntergehen.