Emmenthaler Kühreihen

Mys Lieb' isch gar wyt inne,

Dort inne uf der steinige Fluh;

Wenn i scho zun ihm wetti,

O so reute mi di Schuh!

La du di dSchuh nit reuen,

Leg du dine Bantöffeli a;

We du si de hest broche,

So chast ja de angeri ha.

I ma nit i der Wuche

Uf d Fluh zu mynem Schätzeli ga,

Es gitt ja so ne Fyrtig,

Wo ni zum Schätzeli cha!

Meitscheni.

My Schatz cha gar gut hornen,

Er cha di Reyhli alli gar wohl;

Er hornt mer alli Morgen,

O wenn i ga melche soll.

Mys Lieb' trybt über d' Gasse,

Gar s'tusigs schönes Trüppeli Veh!

O i ha gar längi Zyti,

Wenn is de so nimme cha g'seh!

Wenn i de soll ga mälche,

So steyt mer de mys Kühli nit recht;

Da stellen i d's Kübli näbe mi,

U gaugle mit dem Knecht.

O d's Kühli wey mer verkaufe,

U d's Kalbeli wey mer de no b'ha;

Wenn früh de d'Meitscheni mälche,

Chan i de no zu der gah.