Grabschrifft vff das Brautbeth H. Frantz Cammeels vnd Jungfraw Vrsula Mar- greta...

Ein zarte Jungfrawschaffthierinnen ligt beg raben

Der Hochzeit Gott

Ihr Stunde kommen war daß sie jetz sterben solt

Der must sie bringen vmb dem sie doch ware holdt

Der grausame Tyran wolt sie nit lassen leben

In diesem Federwerck sie must den Geist auffgeben

Venus verließe sie die sie vmb hülff rufft an

Mit manchen Threnen heiß:

Der arge kleine Gott je mehr sie sich thet wehren

Je mehr entzündet er das hitzige begeren

Der Mörderischen Lieb deß harten Jüngelings

Sie weinet inniglich er lachte nur deß dings:

Die Blum die schöne Blum die must jhr Haubte neigen

Das Venus Röselein mit seinen grünen Zweigen

Must endtlichen daran von grosser Fewers gluth

Verwelcken vnd allhier verliern sein höchstes Gut.

Nembt ein Exempel dran jhr andere Jungfrawen

Vnd sehet zu wem jhr ewr Jungfrawschafft vertrawen

Daß euch nit auch so geh’: es wehre dan vieleicht

Daß jhr deß Lebens müd den Todt auch wünschet euch.