Sie redt sich selber an als sie jhren Buhlen wider versöhnet.

Dv hochgeborne Fraw die du so reich gezieret

Mit Gaben vnd Geschenck deß Himmels manigfalt

Der dich mit treffligkeit der edelen gestalt

Begabt daß seine Macht werd’ in dir recht gespüret

Ins künfftig wetter nicht zuklagen dir gebüret

In deinem hohen Sinn der Haß vnd die Gewalt

Ist auß die zwar dein Feindt doch Trost vnd auffenthalt

Mehr als zu lange Zeit hat wider dich gefüret.

In einem Augenblick wirdt dir das Glück geneiget

Die Sonn hat sich bißher deßwegen trüb erzeiget

Auff daß sie dein Gemüth recht zuerkennen krieg’

Jetz ist jhr heller Schein jhr klares Liecht ernewet

Vnd hat jhn seines Sinns vnd härtigkeit gerewet

Je grösser Vbel war je schöner ist der Sieg.