II

Tornatenne, Cortese, e scaca priesto

Zò che de le baiasse avisse scritto;

Ca se vedisse pe na vota schitto

Ste foretane, no' starisse 'n siesto.

Ognuna addora ccà de sottatiesto,

E non s'allorda quanno vace a mitto,

E te danno no sciauro de zoffritto:

Le tetelleca, e torna pe lo riesto.

Prega no poco chessa Musa toia

Che te 'mmezza le crianze pesarise,

Ca sarrai no poeta d'autro gusto;

Autro grano averrisse a le tremmoie,

Autre strammuottole 'n Parnaso appise,

Co <ca> ccà nc'è zuco e non fummo l' <d'>arrusto.