- XXXII -

Roma en el mundo e vos en España

soys solas çibdades çiertamente,

fermosa Yspalis, sola por fazaña,

corona de Bética exçelente.

Noble por hedifiçios, non me engaña

van apparençia, mas judgo patente

vuestra grand fama aún non ser tamaña

cuan loable soys a quien lo siente

En vos concurre venerable clero,

sacras reliquias, sanctas religiones,

el braço militante cavallero,

claras estirpes, diversas nasçiones,

fustas sin cuento; Hércules primero,

Yspán e Julio son vuestros patrones.