Stances

Voicy mon amour sur la touche :

Jugez s'il marque nettement,

Et si sa pointe se rebouche,

Dans la peine et dans le tourment.

Mais en l'estat où je me treuve,

Qu'est-il besoin de cette preuve,

Pour vous montrer que ma langueur

Et que ma constance est extréme ?

Ne le sçavez-vous pas vous-mesme

Si vous m'avez touché le cœur ?

Je croirois avoir trop d'amour,

Et de vous estre trop fidelle,

Si vous n'estiez qu'un peu plus belle,

Que l'Astre qui donne le jour.

Mais puisque le reste du monde,

N'a rien de beau qui vous seconde ;

Et que tout cede au Dieu vainqueur

Que vostre bel œil emprisonne,

Il ne faut pas que je m'estonne,

Si vous m'avez touché le cœur.

Vous ne sçauriez douter de moy,

Ni de la peine que j'endure,

Pour servir une ame trop dure :

Car la touche vous en fait foy.

Sans estre donc plus recherchée,

Souffrez aussi d'estre touchée,

Et despoüillez cette rigueur,

Qui rend vostre beauté farouche.

Je vous puis bien toucher la bouche,

Si vous m'avez touché le cœur.