101

Omo che ama conoser amore

enteramente, e lo so podere,

amare deça d'onesto volere

donna e donçella cum fermo core.

Deleto, çoia, pena e dolore

ponasi tuto a sumo piacere:

chi ben e male no pò sustinere

no serà mäi presato d'onore.

Cusì sentirà d'amor conosença

e de l'afanno lo dolçe effecto

e come vita en morte se trova.

Questo securo daranni sentença

che çudicare de cosa perfecto

non puote alcuno sel no la prova.