11. Un oseletto che canta d'amore

Un oseletto che canta d'amore

sento la not<t>e far sì dulzi versi,

che me fa mover un'aqua dal core

e ven a gli ogli, nè pò ritenersi

che no sparga fora cum tal furore,

che di corrente vena par che versi;

et i' pensando che cosa è l'amore,

si zeto fora suspiri diversi.

Considerando la vita amorosa

di l'oselet<t>o che cantar no fina,

la mia gravosa pena porto in pace:

fera pos<s>anza ne l'amor reposa,

c'ogn'amadore la dot<t>a ed enclina,

e dona canto e planto a cui li place.