120

Molti raxona: « Quela donna è bella »,

che no conosce che beleça sia.

Tal homo ama grande, tal citella,

e tale blanca, tal bruna voria.

A mi piace la druta minutella,

la moie personata mi toria

e çascuna liçadra çonvençella,

nì di so pelo molto curaria.

Et ancor no mi serebe men cara,

veçendola adorna di sua testa,

vestita e cunça a lo mio delecto;

e en casa fosse bona masara

e per la vïa se mostrasse honesta

e più che puita me stesse nel lecto.