13

Or fuse sempre fra nui tal convento

che l'anemo stesse nel volto scrito:

engano non fora nì tradimento,

né per bosie mai alcuno scernito.

E chi d'amore fese falimento

del tuto fosse a morte punito:

se ço vedesse eo che mi lamento

serìane molto di çoglia complito.

Floruça creço che fu di Bertagna,

ch'atende lo re Artuso ch'è çà morto,

che d'oçi en demane plu non vene.

Cum lingua lo so falso core plagna:

« Hora non posso, cräi ti conforto ».

Cusì di male en peço poi mi tene.