1322.

Madonna mia, al velo de pietate

che ve sotombra i ochi, dov'è amore,

me fa sentir che saçitasti el core.

Sì dolçe colpo ed amoroso may

amor en cor de so fedel non porse

chomi nel mio da vuy, dona, desexe

l'ora che ne le man vostre mi prese

l'alto segnor, che çà de mi s'acorse,

ch'ad obedire sempre enmaçinay.

Doncha, se 'l core ad obedir fu may,

devristi aver de mi qualche mercede

ancora che seti sola mio segnore.