13

Pozza cade' dinto a na cacamagna,

E 'scìreme le bezzole e la rogna,

Si non sì doce comme na lasagna

E cchiù pastosa che non è la nzogna.

Sse zizze che me teneno 'n coccagna

So' retonnelle comm' a doi cotogna,

Sso pietto liscio cchiù de na castagna

Pare no giesommino catalogna;

Sse trezze so' de Venere la 'nzegna,

Ss' uocchie non songo, no, fauze de cugno,

Ssa faccie è colorita comm' a gregna.

Iesce, su, Cecca, e non me fa' lo grugno!

Se n' opera vuoi fa' de laude degna

De sto vrachiero mio fatte no mugno.