14

Fa el pezzo che ti sa per mio despetto

Che te ne incago, Amor, s'ti nol vuol far,

Che son mo tanto uso a sopportar

Che no ho resto de honor per un marchetto.

Che pezzo posso io haver, che veder schietto

Che custìa no dà fede al mio stentar,

Con tutto che se nome el lagremar

Fa parer che la notte pisa in letto?

E se spesso me mostro de altro humor,

Doverìa ben saver ch'e' me dà morte,

Che rido in vista e lagremo co 'l cuor.

Ma ella, che è in sto humor tenace e forte,

Crede amazzarme, e no me dà dolor.

Che vegna la giandusa alla mia sorte!