14

Quanno s' acconcia li capille Cecca,

E chelle masche se strellicca e 'nchiacca,

Né Benere o Dïana se nce mecca,

Ca tutte quante de bellizze smacca!

Le trezze fatte a tòrtano s' attacca,

E mille zagarelle se nce 'nzecca:

Pe la vedere quanno se strellecca

Io pagarria securo na patacca!

Tanto s' acconcia l' una e l' auta chiocca

Co 'ntruglie, co pennacchie e franfrellicche

Ch' Ammore pe dormire se nce cocca.

Venere, a che te fruscie, a che te picche?

Che fai, che tu non curre mo de brocca,

E dinto de na chiaveca te 'nficche?