15

Dal nascer tutti ha el cancaro che i magna,

Tutti ha el so proprio humor della so sorte,

Chi teme e chi desidera la morte,

Chi ride del continuo e chi se lagna.

Chi brama dominar monti e campagna,

Chi seguita, chi fuze honori e Corte,

Chi cerca per vie drete e per vie storte

Ch'el so nome drio lu vivo romagna.

E fin che un no se cava un appetito,

No l'ha mai ben, e se 'l se cava po,

El va co 'l desiderio in infinito.

Gramo colù, s'el mondo fosse so',

S'el sarà in l'ozio e in l'ingordisia fito.

Beati quei che un àgio ghe fa pro'!