15

Cecca s' aveva posta na rézzola

De filo marfetano 'ncelentrato;

Io che già me vediette llà 'ncappato

Le disse: “O Cecca, ascota na parola:

Fa' cunto ch' io sia Marte deventato,

De ssa rézzola 'nchiuso a la tagliola;

Singhe Venere tu, fronte affatato!

Abbracciame, ca st' arma se ne vola !”

La sgrata, aimé, che sùbbeto se scorna,

Comm' a no lanzo carreco de vino

Lo zuoccolo a pegliare priesto torna.

Me deze 'n fronte, e me cogliette 'n chino:

Doie vrògnola me fece comme corna,

Cossì, pe Marte, deventaie Martino!