173
Prende deleto l'om per tri caxone
de la femena cum diverso modo:
la prima è per força, e ço non lodo,
ché pianto cum goder non à raxone;
la segonda per alcun guederdone,
dove le plu cadeno, com'eo odo;
la terça per amare fermo e sodo,
e questa pò bastar longa staxone.
Ben è molte volte che l'altre due
cum grand furore enflamano le parte
d'uno disio sì ch'el vi dura plue.
Ma quel placer che mai no se departe
vien da veduta, cum paçe del core
che scletamente se vive d'amore.