18

Sso chilleto c' haie 'n facce, o Cecca ammata

Che fuorze è cieuzo russo ? Aimé, m' ha strutto!

O è st'arma ch' èie arza, ed è bolata

Da chisto pietto mio co quacche grutto?

O chisso è milo sciuoccolo ? O è 'n frutto

Cecere calïato (e na trippata) ?

Zitto, ch' è pepe, s' io non so' no gliutto,

Pecché pare ssa facce sopressata;

O chisso è taratufolo d' amore,

O sconciglio afferrato a ssa fontana,

Che se vòle zuca' st' affritto core?

Chi vò 'nguaggia' co mmico cinco rana

Ca chessa è zecca, che mme dà dolore,

E tu la puorte 'n faccie, ca sì cana?