19

O bello cuollo, o cuollo che ne 'ncache

Ad ogne ncuollo che nfra nuie nasci':

Tu sì cchiù tunno de le pastenache,

E de radice assaie cchiù ghianco sì.

Tu, de bellizze, tutte l' aute scache,

E pe la 'mmidia fale la vozza asci';

Pastuso cchiù de nzogna sì perzì:

Ma che nzogna dich' io ? Nzogna ste brache!

'N frutto sso bello cuollo, o Cecca mia,

Accossì liscio e tunno, ïustamente

Pare colonna de la Vecaria.

Ma si tu, Cecca, la vuoie fare bona,

Già che de guste m' haie fatto pezzente,

Famme fa' a ssa colonna zitabona!