2

O vuie che tutte 'n chietta ve ne state

A chisso monte tanto vertoluso,

Non pe conta' de Cicco lo zelluso

Né de Chiechia Spechiechia le baiate,

Ma a dicere conciette 'mprofecate

De le settenzie che so' lloco suso,

Che 'n sentirele po' resta confuso

Sto munno, chino d' asene 'mmardate;

Aggiate mo de me protezïone,

E dateme lo canto accossì doce

Comme è lo suono de sto calascione.

Sprogate vuie pe me ssa bella voce,

Azzocché senza vuie cantanno io pone

Comme a na vessa non moresse 'n foce.