22

Pe 'ncantare a mille arme, Ceccarella:

“O bella, bella de le maiorane

Famme la pizza quanno fai lo pane !”

Steva a cantare da na fenestrella.

Lo tammorriello avenno nfra le mane:

“Non me la fare troppo tostarella,

C' aggio li diente comme a becchiarella !”

Secotïava a dicere da llàne.

Chesto sentenno io disse: “O Cecca, aimé!

Sto core è fatto pizza, e me dà guaie,

Ca vòle ascire pe benire a te.

Tu co sso canto già 'ncantato m' haie:

Fermate, frate, non cantare, te',

Pigliate chello che cercanno staie”.