23

Floruça, 'l mi' servire no t'agrata,

e ço vene perch'amare no degnimi.

Perché la mïa fede tu spegnimi?

No sai tu ch'el'è sempre tego stata?

Pecato fäi che l'ài abasata,

avegna che per poco tu tegnimi

e faççi come gli grandi a' menimi,

che trovano casone no pensata.

Lo lupo, quando nel flume bevia,

dis' a l'agnelo: « Tu mi turbi l'aqua:

sì me feçe to patre ». E sì l'ancise.

Cusì mi fa Amore, donna mia.

Però ti prego ch'elo no ti plaqua

ch'i' perda la spene ch'el cor ti mise.