23

Iocava Cecca co no sonariello

Lo peccerillo de Messè Martino;

Ma lo fegliulo, ch' era cacariello,

Na bella cacca le facette 'nzino.

La fece gialla comme a no lopino,

E molla, iusto comme a no sciosciello.

Sta cosa, cierto, pe lo cellevriello,

Non me fa requïa', sera e matino.

Chi sa si Giove, pe na fantasia,

Comme dinto a la nuvola 'naurata,

Scennette 'nzino a la Segnora mia?

La cosa, comme dico, sarrà stata,

Pe la gaudere 'mmiezo a chella via

Giove scennette dinto a na cacata.