24

Tanta è la gelosia c' aggio a sto core

Che s' uno, o Cecca, te tenesse mente,

Vorria che n' uocchio le sautasse fore,

O che paresse a te brutto e pezzente.

E si sospira chino d' abbrosciore

Ch' ogne sospiro sia vessa fetente;

E si parlasse, po', pe cchiù delore,

P' ogne parola scéngale no dente.

O vorria ch' ad ognuno tu parisse

Verde comm' a cannone ch' è d' avrunzo,

E lassata da tutte, a me venisse.

E s' uno maie te sguarda a la fenestra,

Vorria che deventasse tu no strunzo,

Ed io po' fosse chiaveca maiestra.