27

Pe m' accattare ieze nfi' a la fera

No vestito d' arbascio e zegriniello,

Si be' c' aveva antico lo modiello,

Pecché nc' era a le brache la giarnera.

Era, a bedere a me, vuto de cera,

O na zìtola ch' è de sosamiello:

E parea, camminanno a sautariello,

Vracone quanno fa ntantarantera.

E ghiette 'nnante a Cecca a passïare,

Co facce rossa, a mmuodo de presutto,

Da fa' na Dea Megera 'nnammorare.

Essa me disse: “Sciù, comme sì brutto !”

Io pe delore voze sosperare,

Ma pe sospiro mme scappai no grutto.