28

Tutta la notte vao gridanno: “Oh, oh!

Trommiente, Ammore, non me dare cchiù!

O Cecca mia, tu no' me siente, no?

Si fuorze sorda o na storduta, tu ?”

Male pe mene ssa bellezza fu,

Ca no' retrovo defreggerio, mo:

Quanno me vide no' me dire: “Sciù !”

Ca cierto bello comme ogne auto so'.

Affacciate da lloco addove sì!

Da sso cafuorchio non vuoi 'scire, neh?

E tanto me dellieggie mo perzì!

Comme a sommiero arraglio, oh maro me! .

“Tu me fai gabbo, n' è lo vero, di'?

Vatte' connio, ca me la paghe, affé !”