29

Oh cruda cchiù che a maro n' è la péstrece,

Ma menotella comm' a mmilo sciuoccolo,

Galante comme a sciore de ienestrece,

Ma tosta cchiù che marmoro e mazzuoccolo!

Sì doce e saporita comm' a gniueccolo,

E co ssa facce me fai ire 'gnestrece:

Ma po' me pugne st' arma cchiù de n' estrece,

E me spùlleche, oimé, comm' a no vruoccolo.

Hai ss' uocchie nigre iusto comm' a zoccola,

E de bellizze hai tu cchiù moltetuddene

Che peducchie pollinole na voccola.

Io non ne trovo la semmeletudene:

Che serve a fare cchiù sta filastoccola

Si tu sì propio la Bellezzetuddene?