30

Cecca portava duie pantofanette

Co no vestito fatto a la spagnola.

A sguardarela fitto io me mettette,

Comme essa fosse schiecco, io fosse cola:

Quanno essa, gialla cchiù de na scarola,

Disse: “Pecché me sguarde ?” Io responnette:

“Pecché aggio l' uocchie, e fàime cannavola”.

“A l' uocchie de li cuorve !”, essa dicette.

Io me ne rise e non ne fece stimma,

Quanno ca 'nnitto 'n fatto ecco adombrata

M' asciaie la vista, e non comm' era 'mprimma:

Non fu parola chella, ma rascata!

Non fu rascata, no, ma fu scazzimma!

Non fu scazzimma, no, ma fu bescata!