330

Amor mi sforça tanto ch'eo covegno,

pietà chirendo, scriverti tal cosa

che, per tema, lo cor dir non ti l'osa,

cusì smaruto en tua presentia vegno.

Çentil donçella, poi ch'eo non sia degno,

merçé ti chero, verçene formosa,

la qual per rason me déi star pietosa,

ché da te sola bene e vita tegno.

Unde la gran beltate honesta e clara

mi fa sperar ço che poco mi vale;

ma se per ti sostegno morte amara,

come m'ançidi, serai micidiale.

Deh, per mio mal non ti mostrar crudele

ché crudeltate en donna èe abominele.