33

Na sera Cecca, zitto zitto e mutto,

A ghiettare lo càntaro scennette,

E pegliando de pésole no butto

Vrociolïando abbascio lo rompette.

A chiagnere e a scippare se mettette

De na latrina accanto a lo connutto,

Quanno la scura giovena vedette

Chillo necozio sfracassato e rutto.

“Non chiagnere, io le disse; statte zitto,

O Cecca, non te da' tanto martiello

S' haie rutto chisso càntaro mmarditto,

Ch' io aggio tanto luongo no cappiello,

E tanto tuosto, tìseco e deritto,

Che fare te ne puoie no cantariello”.