33

Come de una cigala e una gazzuola

Resti un orco e un alocco in un momento,

Mi che soleva haver zanze per cento

Ste'un'hora a mendicar meza parola.

Né pode' rampegar su per la golla

Mai la pena e 'l dolor che haveva drento,

Fui giusto come un putto mal contento

S'el vien chiappà a ziogar dal mistro in scuola.

Cusì davanti a quella luse viva

Mille rason che havrìa prima sì pronte

Reverentia e timor le retegniva.

Al fin conversi l'una e l'altro in fonte.

In luogo della vose me vegniva

Le parole bagnae fuora del fronte.