35

Potta dell' arte, o Cecca, dimme, su:

Chisso zuoccolo comme se schiantaie?

Fuorze pecché volive fui' tu

Isso pe la piatate se schiattaie?

Bello zuoccolo mio, quanta assaie cchiù

Piatate a te ch' a Cecca io sempe asciaie!

E chesto è de devere, pocca fu

Sso suono cauza ch' io me 'nnammoraie.

O zuoccolo, varchetta dell' ammore,

Che mala sciorta mo te ne scervecchia?

Aimé, sta vita mia co tico more!

Rutto tu, già chest' arma se sbessecchia,

Si sso ligno è sto pietto, e de sto core

È chessa cordoana la pellecchia.