36

Frémmate, Cecca: e quanto staie 'nzorfata!

Merola, adaso, ca la via è petrosa!

Addonca, ne faie tanto pe na 'ntosa

Che pe l' ammore mio n' haie scervecchiata?

Che nne sapea ca màmmata, arraggiata,

Vecchia mmardetta, régnola pecosa,

Facea la spia ? S' io sapëa sta cosa

Non te la facea llà chella zennata.

Si chisto arrore a posta io no' lo ffice

No' regnioleia' cchiù: vi ca me 'nficco

A st' uocchie che zennaino na radice.

Si m' amme, tu, fatte passa' sto cricco,

Ch' a l' utemo de l' utemo se dice:

“Famme 'nnevino, ca te faccio ricco”.