36

Un povero anemal, una bestiola,

Che no haveva altro ben, né ghe n'aspetto,

Morte l'ha tolto a fin, che per despetto

M'appicasse drio d'esso per la golla.

Un can, che stava sempre con mi a tola,

E che dormiva nel mio proprio letto.

Ha piaso alla mia stella, al mio pianetto,

Che fazza sta restante vita sola.

Non so come l'intenso mio dolor

No fesse che morisse anche mi drio.

Come el pensarlo no me crepa el cuor!

O gramo al mondo, misero Maffio,

O sorte, o ciel, che me podeu più tuor

Per cavarve la sé del fatto mio?