37

Steva 'nzorfata Cecca: io pe le fare

La collera passa' da cellevriello,

Le disse: “Cecca, va' a lo fenestriello

E a sauta–parme videce iocare”.

Correnn' essa se ieze ad affacciare:

Io chiammo Grazio, Ciullo e Menechiello,

E Cola e Cicco e Rienzo e Pascariello,

E accommenzaimo sùbbeto a sautare.

Dette no sàuto, e se rompìje la strenga:

Cecca se fece na risata bona,

Ca tutto me sbracaie, chiappo me 'mpenga! ,

Decennome: “Sì n' ommo a la carlona!

Comme sì scuro, malanno te venga!

Chisso n' è sauta–parme, è zitabona !”