37

Potta, che in Corte magno sempre a secco,

Massime co son stracco affadigao,

Che co muoro da sé tutto scaldao

Se comparte in do hore un deo de Grecco.

O che ghe vegna un cancaro a quel becco

Che usa sti gottesini d'amalao,

Che un gardelin, s'el puol ficarghe el cao,

A mala pena ch'el se bagna el becco.

Oltra sta bella usanza, oltra l'ardor,

Oltra che no se diè mostrar ardir,

Oltra che mi no posso andarlo a tuor,

Un pagio stà po un'hora a comparir,

E porta mezzo vuodo el bevador,

Che quasi al comenzar diebbo finir.