38

Son amalà qua in letto, e se credesse

De no haver, co son san, vògia de vin,

Vorrave esser tegnù per un Bettin,

Per homo indegno che so mare el fesse.

Ma se me durerà ste vògie stesse,

Che no credo d'haver altro per fin,

Vuoi bever pi d'un zaffo e d'un fachin,

E se 'l mar fusse vin sarave un pesse.

La corte, i studij, Amor, fu i miei diletti,

Adesso sia la càneva e quei chiassi

Dove se beve, pubblichi e secretti.

Dalle speranze che ve tien soggetti,

Che 'l vin xe el sommo ben de tutti i spassi.