405

Del tuo nome non fu mai valente omo

nì buon fructo de la segna che porti,

et en inferno gli dampnati morti

plangono el comparato primo pomo.

Dunque tre cosse vilissime, como,

contra natura, cum errori forti,

ciegano gl'animi, dal vero torti,

che te fingano plu d'un altro somo?

Tu di senno Aristotille te vanti,

tu non coretto repigli e coreççi,

tu de l'arme Hercules ti milanti,

tu sença spese Alexandro pareçi:

che se tu fosti de la Ca' di França,

seria soperchia cotanta arrogança.