4

Potta, chi havesse ditto che un par mio

Se havesse confinà star in galìa,

E digo, de mia pura bizzaria,

La xe ben granda, puttana zudìo!

Mi che ogni zorno alle Vignole e a Lio

Passava la mia cara fantasia,

Mi che mai non fallava Avemaria

Che no fesse l'amor per el mio rio,

Me habbia lassà ridur a sti partii,

Che per veder do terre de infideli,

E sansaghi e cadì, turchi e zudii,

Assenei, caravane de cambieli,

Moschee piene de statue e de i so dii,

Me sia partìo fuora dai do casteli.