42

Mente no male fele accidetaro

Scannava no porciello, arrasso sia,

Sotta a la casa addove è Cecca mia,

Essa affacciàise da lo gallinaro.

A me, ch' era agghiaiato a chella via,

Chille bell' uocchie 'n vita retornaro:

Bene mio bello, e chi lo credarria? .

Ca quase chillo puorco sorzetaro!

Io mo, che la vediette collerita

Comme a no milo dece, e a me sguardare,

Me ne ìje 'n fummo, comme a l' acqua–vita.

Ammore, e che pozz' io da te sperare

Si chella che devive da' tu vita

La morte de no puorco vene a dare?