45

Iette co Muchio a cantare na sera

Dove de casa Ciccuzza mia sta:

Quanno, arrivate po' sùbbeto llà,

Fìcemo priesto na ntantarantera.

Cecca s' affaccia e vene de corzèra

Comme a li grille ce vedde sauta':

Essa na bella risata se fa,

Tutta contente e preiata de cera.

“Canta, io diciette, ca Cecca mia bella

Stace affacciata mo: videla, vì?

Cana, cornuta, canazza, canella !”

Muchio aprìje canna, e dicette accossì:

“Tubba catubba, la tubba tubbella,

Tubba tubbella, e lo chichirichì !”