48

Ponte Licciardo, oh comme spiccecato

Sto cuorpo mio t' arresemeglia, e quanto!

Tu pe li sfortunate fravecato,

Io nato p' ogne 'nfrusso ed ogne spanto!

Haie tu l' ossa de muorte p' ogne canto,

Io da dolure songo attornïato;

A te Masto Marino sbatte a lato,

A me scuro da st' uocchie esce lo chianto;

A tene arde lo sole, ammore a mene,

Tu cuorpe fracet' haie ed io martire,

Da Cecca io abbannonato e tu a ss' arene;

Tu fora a la cità, for' io de bene,

Tu sciosciato da viente, io da sospire,

Tu li 'mpise arreciette, ed io le pene.