5

Iéa pe lo munno libero e scoitato,

Maiateco e chiantuto comme a cierro:

Mo sautava co Ciommo e mo co Pierro

Iocava a covalera a lo Mercato,

Quanno Copiddo disseme da lato

(Nietto da capo m' afferrai no cierro) :

“Auciello, auciello, maneca de fierro!

Fierro ferrato, mo che sì 'ncappato !”

Vecco, tutta sfarzosa e cianciosella,

Dinto a no vico dove io stea seduto

Passaie, tutt' a no tiempo, Ceccarella.

La vidde, oimméne, e ne restaie feruto,

E tanto a l' uocchie mieie parette bella

Che quanno io no' la veo resto speruto.