52

Giallueteco era Apollo, poveriello,

De li sbrannure suoi quase pezzente,

E fattose de ragge no fardiello

Se ne sfrattava 'mmierzo a lo Ponente,

Quanno vediette Cecca, allegramente,

Che ghieva a beverare l' asiniello:

E chino ch' ebbe d' acqua no teniello,

Nce lo mettette adaso rente rente.

E mente lo vasava, accarezzanno,

Me 'ntise tutto 'n aseno mutare

E quase ca strillaie forte arraglianno:

“Fa' priesto, o Giove, chello c' haie da fare:

Si m' ha da stare Cecca mia vasanno,

E tu famme 'n sommiero trasformare !”