53

Cecca, perché l' aruta te mettiste

'Ncoppa a ssa trezza ionna de natura,

E fra trìncole e smìncole la iste

A mettere a ssa rossa legatura?

Fuorze pecché è contralia a la fattura

All' Uorto de le Grazie la cogliste,

O pecché de li spirete hai paura

Sso bello mazzetiello ne faciste?

Affé, te muste femmena saputa,

Ca, comme scrisse Minaco dottore,

L' aruta è chella ch' ogne male astuta.

Ma tu l' haie còuta, e tu l' haie fatto, Ammore,

Pe te magnare fritto co ss' aruta

Lo sango che m' è 'sciuto da sto core.